سيبوني أبكي... سيبوني ابيكى محدش يسكّتني.الناس زمان كانت تسكّتني لما أبكي،لدرجة إني بقيت أتكسف أبكي حتى قدام نفسي.نفسي أبكي،من غير ماحد يمسح دموعي.حاسس إن الدموع دي بتطفي نار جوايا
نفسي أبكي..من غير ماحد يطبطب عليَّ،علشان ما يحسسنيش إنّي ضعيف. نفسي أبكي،ومش عايز حد يحضنّي. أنا عايز حد يسمعني ... عايز حد يحس بيَّعايز حد يبكي معايا... يحسسني فعلاً إن ألمي يتساهل الدموع سيبونى أبكي.سيبوني أبكي، من غير ما تسألوني مالك!إيه اللي فيك؟ من غير ما توعظوني... من غير ما توبخوني من غير ماحد يقول لي: "بكاك من ضعف إيمانك" يعني هو إيماني، عايزني لما أعاني، أضحك!؟أضحك على نفسي!؟ ضحكت كتير... مع إن الجرح كان كبيركنت باخاف أبكي لكن النهاردة ها أبكي أنا تعبان... عايز أبكي،أبكي من إدماناتي اللي مبهدلاني.أبكي على احساسي بهويتي إللي ضاع مني.لما اسأل نفسي أنا إيه؟ أنا ليه؟مش ده يتساهل أبكي؟؟لما أبص لنفسي في المرايا... وألاقيني مش بأحبني مش ده يستاهل أبكي؟؟لما النار تكون قايدة في قلبي... على إللي بأعمله في جسمي مش ده يستاهل أبكي؟؟الدموع لو فِضلت في عينيَّ هاتخليني مش شايف أنا ها أبكيها... ها أبكي ومش خايف أنا تعبان، موجوع، باتألم، وسكاكين بتقطع فيَّ.حاسس إنه ما حدش حاسس بيَّ،سيبوني أبكي.

منقول ولكن هذا اعجبنى كثيرا